કચ્છના રણની વચ્ચે આવેલું ધોળાવીરા માત્ર એક પ્રવાસન સ્થળ નથી, પણ માનવ સભ્યતાના ગૌરવશાળી ઇતિહાસની સાક્ષી છે. UNESCO દ્વારા વર્લ્ડ હેરિટેજ સાઇટ જાહેર કરાયેલું આ શહેર હડપ્પીય સંસ્કૃતિનું સૌથી મોટું અને વ્યવસ્થિત શહેર માનવામાં આવે છે.
૧. રોડ ટુ હેવન (Road to Heaven)
ધોળાવીરા જતી વખતે અત્યારે સૌથી વધુ આકર્ષણનું કેન્દ્ર "રોડ ટુ હેવન" છે. ખાવડાથી ધોળાવીરાને જોડતો આ ૩૦ કિલોમીટર લાંબો રસ્તો સફેદ રણની બરાબર વચ્ચેથી પસાર થાય છે. રસ્તાની બંને બાજુ અનંત સુધી ફેલાયેલું સફેદ મીઠું અને ઉપર નીલું આકાશ જોતા એવું લાગે છે કે જાણે તમે સ્વર્ગના રસ્તા પર મુસાફરી કરી રહ્યા હોવ.
૨. ૫૦૦૦ વર્ષ જૂનું શહેર (Indus Valley Civilization)
ધોળાવીરામાં ખોદકામ દરમિયાન મળી આવેલું આ શહેર તેની એન્જિનિયરિંગ અને વોટર મેનેજમેન્ટ સિસ્ટમ માટે જાણીતું છે. અહીં તમે જોઈ શકો છો:
- હડપ્પીય કિલ્લો: તે સમયના શાસકોના રહેઠાણ.
- વિશ્વનું જૂનું સ્ટેડિયમ: જે તે સમયે રમતગમત કે જાહેર સભાઓ માટે વપરાતું હતું.
- વોટર રિઝર્વોયર: પાણી સંગ્રહ કરવાની અદભૂત ટેકનિક, જે આજે પણ આશ્ચર્ય પમાડે છે.
૩. કેવી રીતે પહોંચવું? (How to Reach)
- ભુજથી અંતર: ભુજથી ધોળાવીરા લગભગ ૨૦૦ કિમી છે.
- નવો રસ્તો: હવે તમે ભુજ - ખાવડા - ધોળાવીરા વાળા નવા રસ્તા (Road to Heaven) દ્વારા જઈ શકો છો, જે તમારો સમય બચાવશે અને સુંદર નજારો આપશે.
- એસ.ટી. બસ: ભુજથી સીધી એસ.ટી. બસની સુવિધા પણ ઉપલબ્ધ છે.
૪. રોકાણ અને ભોજનની સુવિધા
ધોળાવીરામાં રોકાવવા માટે ગુજરાત ટુરીઝમની 'તોરણ રિસોર્ટ' (Toran Resort) અને ઘણી પ્રાઈવેટ હોમ-સ્ટે (Home-stay) ની સુવિધા ઉપલબ્ધ છે. અહીં તમને અસલી કચ્છી ભોજનનો સ્વાદ માણવા મળશે.
મુલાકાત લેવાનો શ્રેષ્ઠ સમય
નવેમ્બરથી ફેબ્રુઆરી મહિનો અહીં આવવા માટે શ્રેષ્ઠ છે. ચોમાસા પછી જ્યારે રણ સુકાવા લાગે અને સફેદ ચાદર બિછાય ત્યારે અહીંનો નજારો જોવો એક લ્હાવો છે.
ખાસ ટિપ: જો તમે ધોળાવીરા જાઓ તો સૂર્યાસ્ત (Sunset) રોડ ટુ હેવન પર જોવાનું ચૂકશો નહીં!
કચ્છની વધુ વિગતો માટે અમારી WhatsApp Channel માં જોડાવો.